ممبئی: بالی وڈ کے سُپر اسٹار اکشے کمار کی آئندہ آنے والی فلم ’اوہ مائی گاڈ 2‘ کی منفرد جھلک دیکھ کر مداح حیران رہ گئے۔
بھارتی میڈیا کی رپورٹس کے مطابق اکشے کمار نے آج انسٹاگرام اکاؤنٹ کے ذریعے ’اوہ مائی گاڈ‘ کے سیکوئل کی جھلک مختصر ویڈیو کی شکل میں شیئر کی جس میں وہ ماتھے پر راکھ اور گلے میں مالا لٹکائے بابا کے روپ میں نظر آ رہے ہیں۔
ویڈیو کے کیپشن میں اکشے کمار نے اعلان کیا کہ ’اوہ مائی گاڈ 2‘ کا ٹیزر 11 جولائی کو ریلیز ہوگا جبکہ فلم کو رواں سال 11 اگست کو سنیما گھروں میں نمائش کیلیے پیش کیا جائے گا۔
متعلقہ: اکشے کمار نے فلموں کی ناکامی پر خاموشی توڑ دی
مذکورہ ویڈیو میں دیکھا جا سکتا ہے کہ سُپر اسٹار بھیڑ میں چل رہے ہیں اور اردگرد موجود کچھ لوگ نعرے باز میں مصروف ہیں۔
یاد رہے کہ فلم 2012 میں ریلیز ہونے والی ’اوہ مائی گاڈ‘ کا سیکوئل ہے جس میں اکشے کمار نے مرکزی کردار نبھایا تھا۔ سیکوئل میں ان کے ساتھ نامور فنکار پنکج ترپاٹھی اور اداکارہ یامی گوتم اسکرین پر نظر آئیں گے۔
