اسلام آباد: احتساب عدالت میں شریف خاندان کے خلاف ریفرنسز کی سماعت بغیر کارروائی کے 3 اگست ملتوی ہوگئی۔
تفصیلات کے مطابق احتساب عدالت میں شریف خاندان کے خلاف ریفرنسز کی سماعت احتساب عدالت کے جج محمد بشیر نے کی۔
جج نے دونوں ریفرنسز کی منتقلی کی درخواست ہائیکورٹ میں زیرسماعت ہونے پر سماعت بغیر کارروائی کے 3 اگست تک ملتوی کر دی۔
اس سے قبل 30 جولائی کو ہونے والی سماعت بھی اسی بنیاد پر ملتوی کردی گئی تھی۔
خیال رہے کہ نواز شریف نے اسلام آباد ہائیکورٹ میں درخواست دائر کر رکھی ہے کہ احتساب عدالت کے جج محمد بشیر ان کے دو ریفرنسز پر سماعت نہ کریں۔
شریف خاندان نے ایون فیلڈ ریفرنس میں سزا کی معطلی اور رہائی کے لیے بھی اسلام آباد ہائی کورٹ میں درخواستیں دائر کی ہوئی ہیں۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
