اسلام آباد: العزیزیہ ریفرنس کیس کی سماعت آج صبح ساڑھے 10 بجے پھر ہوگی، احتساب عدالت کے جج محمد ارشد ملک کیس کی سماعت کریں گے۔
تفصیلات کے مطابق احتساب عدالت کے جج محمد ارشد ملک آج پھر العزیزیہ ریفرنس کیس کی سماعت کریں گے، نوازشریف کے وکیل آج بھی جرح کریں گے، سماعت صبح ساڑھے دس بجے ہوگی۔
نواز شریف کو اڈیالہ جیل سے 14 ویں بار احتساب عدالت پیش کیا جائے گا، کلثوم نواز کی وفات کے بعد نوازشریف پہلی بار احتساب عدالت پیش ہوں گے۔
بیگم کلثوم نواز کی وفات کے باعث نوازشریف کو پرول پر رہا کیا گیا تھا، آج ہونے والی سماعت کے دوران نوازشریف کے وکیل خواجہ حارث گواہ واجد ضیا پر آج بھی جرح کریں گے۔
جے آئی ٹی کے والیم 10 سے متعلق سوال پرنیب پراسیکیوٹرکا اعتراض
واضح رہے کہ گذشتہ روز احتساب عدالت میں سابق وزیراعظم میاں نواز شریف کے خلاف العزیزیہ اسٹیل ملز ریفرنس کیس کی سماعت ہوئی تھی۔
وفاقی دارالحکومت اسلام آباد میں نوازشریف کے خلاف العزیزیہ اسٹیل ملز ریفرنس کی سماعت احتساب عدالت کے جج محمد ارشد ملک نے کی تھی۔
خیال رہے کہ سابق وزیراعظم نوازشریف کے وکیل خواجہ حارث نے احتساب عدالت میں گذشتہ بھی استغاثہ کے گواہ واجد ضیاء پر جرح کی، جبکہ آج ہونے والی سماعت میں بھی وہ جرح کریں گے۔
