غزہ: اسرائیلی فوج نے غزہ میں الشفا اسپتال کے نیچے 55 میٹرل طویل سرنگ کی ویڈیو جاری کر دی ہے۔
تفصیلات کے مطابق اسرائیلی فوج نے دعویٰ کیا ہے کہ الشفا اسپتال کے نیچے دس میٹر گہرائی میں 55 میٹر طویل سرنگ ملی ہے، آئی ڈی ایف نے اپنا دعویٰ ثابت کرنے کے لیے سرنگ کی ویڈیو بھی شئیر کر دی۔
غزہ کی وزارتِ صحت کے ڈائریکٹر جنرل منیر البرش نے اسرائیل کے اس دعوے کو جھوٹ قرار دیتے ہوئے کہا کہ اسرائیلی فورسز نے طبی عملے، زخمیوں اور بے گھر افراد کو بندوق کی نوک پر الشفا میڈیکل کمپلیکس خالی کرنے پر مجبور کیا۔
OPERATIONAL UPDATE: IDF and ISA forces revealed a significant 55-meter-long terrorist tunnel, 10 meters underneath the Shifa Hospital complex during an intelligence-based operation.
The tunnel entrance contains various defense mechanisms, such as a blast-proof door and a firing… pic.twitter.com/tU4J6BD4ZG
— Israel Defense Forces (@IDF) November 19, 2023
حماس کی طرف سے با رہا اسرائیلی الزام کی تردید کی گئی اور مطالبہ کیا گیا ہے کہ اقوام متحدہ کی ایک کمیٹی اس معاملہ کی تحقیقات کے لیے بھیج دی جائے۔
واضح رہے کہ عالمی ادارہ صحت نے کہا ہے کہ الشفا اسپتال جو کبھی غزہ کا مرکزی اسپتال تھا، نے طبی سہولت کے طور پر کام کرنا بند کر دیا ہے اور اب یہ ایک ’ڈیتھ زون‘ ہے۔
