ہفتہ, مئی 18, 2024
اشتہار

طلبہ کو فائرنگ سے بچانے کے لیے اسکول میں بُلٹ پروف کمرے تیار

اشتہار

حیرت انگیز

الاباما: طلبہ کو فائرنگ سے بچانے کے لیے امریکی ریاست الاباما کے ایک اسکول میں بُلٹ پروف کمرے تیار کر لیے گئے۔

امریکی میڈیا رپورٹس کے مطابق الاباما کے ایک ایلیمنٹری اسکول نے طلبہ کو ’ماس شوٹنگ‘ سے بچانے میں مدد کے لیے دو تیزی سے نصب ہونے والے بلٹ پروف کمرے متعارف کرا دیے ہیں۔

ابتدائی طور پر الاباما کے شہر کلمین کے اسکول کے 2 کلاس رومز میں 60 ہزار ڈالر خرچ کر کے بلٹ پروف کمرے بنائے گئے ہیں، یہ امریکا کا پہلا اسکول بن گیا ہے جس میں اس قسم کے کمرے تیار کیے گئے ہیں۔

- Advertisement -

یہ دراصل ایک بیلسٹک دیوار ہے جسے وائٹ بورڈ کے طور پر استعمال کیا جا سکتا ہے، اور اسے جب کمرے کی شکل میں نصب نہیں کیا جاتا تو یہ دیوار کے ساتھ وائٹ بورڈ کے طور پر لگایا جاتا ہے۔

خراب موسمی حالات یا فائرنگ کے وقت اسے محض 10 سیکنڈز میں کھینچ کر کمرے کا روپ دیا جا سکتا ہے، اس کے دروازے میں ہینڈل بھی نہیں ہے، تاکہ طالب علموں کو باہر سے چھوٹے سیف روم میں داخل ہونے والے شوٹر سے بچایا جا سکے۔

واضح رہے کہ امریکا کے تعلیمی اداروں میں فائرنگ کے متعدد واقعات نے امریکیوں سمیت کئی ممالک کو تشویش میں مبتلا کر رکھا ہے، فروری 2018 میں فلوریڈا کے ہائی اسکول میں فائرنگ کے واقعے کے بعد اس طرح کے حفاظتی اقدامات کی گونج سنائی دی تھی۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں