انگلش کپتان ایلسٹر کک کا کہنا ہے کہ میچ فکسرز پر تاحیات پابندی لگانی چاہیے، محمد عامر اپنی سزا کاٹ چکے، اس لئے ان کیخلاف کھیلنے میں کوئی مسئلہ نہیں۔
انگلینڈ کے ٹیسٹ کپتان ایلسٹر کک کا کہنا ہے کہ میچ فکسنگ کرنے والے کھلاڑیوں کو تاحیات پابندی لگا کرعبرت کا نشان بنانا چاہیے، تاکہ کوئی دوسرا کرکٹر ایسا کرنے سے پہلے سوچے۔
انھوں نے کہا کہ محمد عامراپنی سزا کاٹ چکے، اب انھیں کرکٹ کھیلنے کا پورا حق ہے، عامر کے خلاف کھیلنے میں کوئی ایشیو نہیں
دوسری جانب فاسٹ بولر اسٹورٹ براڈ بھی ایک بیان میں عامر کے دورہ انگلینڈ کی حمایت کرچکے ہیں۔
واضح رہے کہ پاکستان کرکٹ بورڈ نے دورہ انگلینٖڈ کے لیے قومی کرکٹر کے ویزہ کے لیے درخواست جمع کرائی ہوئی ہے ۔
یاد رہے کہ محمد عامر پر 2010میں لارڈز میں کھیلے جانے والے ٹیسٹ کے دوران دیگر دو ساتھی کھلاڑیوں کے ہمراہ اسپاٹ فکسنگ کے الزامات ثابت ہوئے تھے جس کے بعد انہوں نے 3 ماہ برطانیہ کی جیل میں سزا بھی کاٹی تھی جبکہ انٹرنیشنل کرکٹ کونسل نے 2011 میں ان پر 5سال تک کرکٹ کھیلنے پر پابندی عائد کر دی تھی۔
