چیف جسٹس کا ضیاء الدین اسپتال کا دورہ‘ شرجیل میمن کےکمرے سےشراب کی بوتلیں برآمد -
The news is by your side.

Advertisement

چیف جسٹس کا ضیاء الدین اسپتال کا دورہ‘ شرجیل میمن کےکمرے سےشراب کی بوتلیں برآمد

کراچی : چیف جسٹس نے ضیاء الدین اسپتال کا مختصر دورہ کیا اور وہاں زیرعلاج شرجیل میمن کے کمرے میں گئے، پیپلزپارٹی کے رہنما کے کمرے سے شراب کی بوتلیں برآمد ہوئیں۔

تفصیلات کے مطابق چیف جسٹس آف پاکستان نے سپریم کورٹ کراچی رجسٹری آمد سے قبل کراچی کے دو اسپتالوں کا دورہ کیا اور وہاں موجود سیاسی قیدیوں کے وارڈز کا معائنہ کیا۔

چیف جسٹس پہلے کلفٹن میں واقع ضیاء الدین اسپتال میں سب جیل قرار دیے گئے پیپلزپارٹی کے رہنما کے کمرے میں گئے اور ان سے مختصرملاقات کی۔

سابق صوبائی وزیراطلاعات ونشریات کے کمرے میں علاج نام کی کوئی چیز نہیں تھی اور وہاں سے شراب کی تین بوتلیں برآمد ہوئیں۔

ضیاء الدین اسپتال کے دورے کے بعد چیف جسٹس کراچی کے جناح اسپتال کے شعبہ کارڈیو ویسکولرکا دورہ کیا اور وہاں موجود سہولیات کا جائزہ لیا۔

بعدازاں چیف جسٹس نے سپریم کورٹ کراچی رجسٹری میں کیسز کی سماعت کے دوران کہا کہ شرجیل میمن کے کمرے سے شراب کی 3بوتلیں ملیں، اٹارنی جنرل کہاں ہیں؟ جائیں دیکھیں۔

انہوں نے اٹارنی جنرل کو مخاطب کرتے ہوئے کہا کہ انورمنصور خان صاحب! ذرا اس طرف بھی توجہ دیں، آپ نے بہت اچھے کام کیے مگر یہ دیکھیں۔

چیف جسٹس آف پاکستان نے کہا کہ جب شرجیل میمن سے شراب کی بوتلوں سے متعلق پوچھا تو کہا کہ میری نہیں ہے۔

Comments

comments

یہ بھی پڑھیں