شیخوپورہ : ایک ماہ کی تنخواہ انعام کے طور پر دینے کا اعلان ہوگیا، اعلان وفاقی وزیر مواصلات علیم خان نے کیا۔
تفصیلات کے مطابق وفاقی وزیر مواصلات علیم خان نے پاسنگ آؤٹ پریڈ سے خطاب کرتے ہوئے کہا کہ موٹر وے ایسا ادارہ ہے، جس پر پورے پاکستان کو فخر ہے۔
وزیر مواصلات کا کہنا تھا کہ موٹروے دوسرے اداروں کیلئے مثالی ہے، موٹروے پولیس آفیسرپر رشوت کاکوئی الزام نہیں لگا، موٹروے کی بہتری کیلئے ٹارگٹ بنائے ہیں، جلد پورے کرکے دکھائیں گے۔
- Advertisement -
وفاقی وزیر نے آفیسرز کیلئے ایک ماہ کی تنخواہ انعام کے طور پر دینے کا اعلان کردیا۔
انھوں نے مزید بتایا کہ سکھر سے حیدر آباد موٹروےجلد مکمل کرنا ترجیح ہوگا ،شمالی علاقہ جات کیلئےبھی موٹر وے بنانا چاہتے ہیں اور اسلام آبادسے گلگت ،اسکردوتک موٹروے پہنچائیں گے جوگیم چینجر ہوگا۔
