اسلام آباد : وزیرمواصلات، نجکاری و سرمایہ کاری بورڈ عبدالعلیم خان نے ملک بھر میں اتوار کی تعطیل کے حوالے ملازمین کے لیے بڑا اعلان کردیا۔
تفصیلات کے مطابق وزیرمواصلات، نجکاری و سرمایہ کاری بورڈ عبدالعلیم خان نے پوسٹل سروسزکے ملازمین کوشاباشی دی۔
عبدالعلیم خان نے کہا کہ ملک بھر میں اتوار کے روز بھی ڈاک خانوں کی شہریوں کیلئےخدمات لائق تحسین ہیں، پوسٹل سروسز کے پلیٹ فارم سے عوام کیلئے سہولتوں میں مزید اضافہ کریں گے۔
- Advertisement -
وزیر مواصلات نے اعلان کیا کہ اتوار کی تعطیل نہ کرنیوالےپاکستان پوسٹ کے ملازمین کو متبادل چھٹی ہوگی۔
انھوں نے مزید کہا کہ ڈاک خانے کے نظام کو جدید تقاضوں سے ہم آہنگ کیا جا رہا ہے، حکومت مختلف شعبوں میں عوام کی سہولت کیلئے مزید اقدامات کر رہی ہے۔
