site
stats
پاکستان

منشیات فروش حنیف عباسی ہمیں دیانتداری کے سبق نہ سکھائے، علیم خان

لاہور : پاکستان تحریک انصاف کے رہنما عبدالعلیم خان نے کہا ہے کہ اسمگلنگ کرنے والاحنیف عباسی دوسروں کو دیانتداری کے سبق نہ سکھائے، پنجاب حکومت کو ہر کمپنی میں کی جانے والی کرپشن کا حساب دینا ہوگا۔

یہ بات انہوں نے نواز لیگ کے رہنما حنیف عباسی کی پریس کانفرنس پر اپنے ردعمل میں کہی، عبدالعلیم خان کا کہنا تھا کہ کیا ن لیگ کو سوال کا جواب دینے کیلئے منشیات فروش کے سوا کوئی نہیں ملا تھا؟ کیا وقت آگیا ہے کہ منشیات فروش دوسروں کو کریکٹر سرٹیفکیٹ دے رہا ہے۔

انہوں نے کہا کہ اسمگلنگ کرنے والاحنیف عباسی دوسروں کو دیانتداری کے سبق نہ سکھائے، منشیات فروشی کی سزا پھانسی ہے،حنیف عباسی بے صبرے نہ ہوں اپنا بندو بست کریں۔

ایک سوال کے جواب میں ان کا کہنا تھا کہ جو کچھ کل کہا آج بھی اس پر قائم ہوں، ہرکرپٹ کا احتساب ہوگا، پی ٹی آئی رہنما نے کہا کہ ایفیڈرین عباسی قد سے بڑی بات نہ کریں ورنہ منہ کی کھانا پڑے گی۔

عبدالعلیم خان نے مزید کہا کہ اقتدار میں آکر کک بیک کے پیسےبیرون ملک بھیجنے والے ٹھیکیداروں کو پکڑیں گے، پنجاب حکومت کو جنگلہ بس، اورنج ٹرین اور دیگر منصوبوں میں کی جانے والی کرپشن کا بھی حساب بھی دینا ہوگا۔


علیم خان عمران خان کی دوسری اے ٹی ایم ہیں، حنیف عباسی


علیم خان کے خلاف دو ایف آئی آر ہیں، انہوں نے مزید کہا کہ عمران خان کیلئےجہاز جہانگیرترین کا اور اس میں تیل علیم خان کا ہوتا تھا،جہانگیر ترین کی طرح جلد ان کی دوسری اے ٹی ایم کا خاتمہ بھی ہوجائے گا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top