لاہور: صوبائی وزیر بلدیات عبدالعلیم خان نے کہا کہ قبرستان اہم مسئلہ ہے، ہرعلاقے میں سہولت ہونی چاہیے، سکھوں کوننکانہ صاحب اورحسن ابدال میں سہولت دیں گے۔
تفصیلات کے مطابق لاہور میں سینئر وزیرعبدالعلیم خان کی زیر صدارت شہر خموشاں اتھارٹی کا اجلاس ہوا۔
عبدالعلیم خان نے کہا کہ لاہور کےعلاوہ دیگر شہروں میں بھی قبرستان بنیں گے، قبرستان اہم مسئلہ ہے ہرعلاقےمیں سہولت ہونی چاہیے، سکھوں کوننکانہ صاحب اورحسن ابدال میں سہولت دیں گے۔
صوبائی وزیر بلدیات نے کہا کہ لاہور کے دیگر علاقوں میں بھی سرکاری قبرستان کے لیے نشاندہی کریں، نئے بلدیاتی نظام میں پنجاب کے قبرستانوں کو شامل کیا جائے گا۔
عبدالعلیم خان نے کہا کہ اصل مسئلہ قبروں کے لیے جگہ ہے، حکومت مکمل تعاون کرے گی۔
ایم ڈی شہرخموشاں نے صوبائی کو وزیر کو بتایا کہ شہرخموشاں میں نامعلوم میتوں کوبھی جگہ دی جا رہی ہے،لاہورمیں اب تک 500 میتوں کی تدفین ہوچکی ہے۔
بلدیاتی نظام کی مضبوطی موجودہ حکومت کی اولین ترجیح ہے‘عبدالعلیم خان
یاد رہے کہ گزشتہ ہفتے صوبائی وزیربرائے بلدیات عبدالعلیم خان کا کہنا تھا کہ سابقہ حکومت بلدیات کے اداروں کی خیر خواہ نہیں تھی۔
صوبائی وزیربرائے بلدیات کا کہنا تھا کہ سابقہ حکومت بلدیات کے اداروں کی خیرخواہ نہیں تھی۔
