اسلام آباد: بانی پی ٹی آئی کی بہن علیمہ خان کی اپنے بھائی کو سیاسی مفادات کے لئے استعمال کرنے کے شواہد سامنے آ گئے، علیمہ خان بانی پی ٹی آئی کی جیل میں قید کو سیاسی مقاصد اور پارٹی پر اجارہ داری کیلئے استعمال کرنے لگی۔
ذرائع کے مطابق علیمہ خان کی ان کے سوشل میڈیا آپریٹر احسن علوی کے ساتھ واٹس ایپ پیغامات منظر عام پر آگئے، علیمہ خان احسن علوی کے ساتھ پیغامات میں بانی پی ٹی آئی کو Pot of Gold سے تشیبہ دے رہی ہیں۔
علیمہ خان کااحسن علوی کو واٹس ایپ پیغامات میں کہنا تھا کہ ”ہم کیوں بانی پی ٹی آئی کیلئے جیل میں ائیر کنڈیشن اور بڑا کمرہ حاصل کرکے حالات کو نارمل دکھائیں“۔ انہوں نے کہا کہ ”لوگوں کو درد محسوس ہونا چائیے جو فریج، اے سی اور کمرہ پینٹ کروانے سے نہیں ہوگا“۔
علیمہ خان نے احسن علوی کو بشریٰ بی بی کے حوالے سے بیانیہ بناتے ہوئے کہا کہ لوگوں کو بتائیں کہ بانی پی ٹی آئی کو سزا عدت کیس میں ہوئی کیونکہ بشریٰ بی بی نے اپنی بیٹیوں کو عدالت کے روبرو پیش نہیں کیا۔
واٹس ایپ پیغامات کے اگلے مرحلے میں علیمہ خان نے یہ تاثر دیا کہ وہ مشال یوسفزئی کے بانی پی ٹی آئی کے ساتھ قریبی اور گہرے تعلقات سے واقف ہے۔
علیمہ خان نے کہا وہ (مشال یوسفزئی) اپنی تین وزارتیں اڈیالہ جیل سے چلاتی ہے، کیونکہ وہ کم از کم تین دن سے اڈیالہ جیل میں ہے، احسن علوی نے جواباً کہا کہ اس (مشال یوسفزئی) کی اڈیالہ جیل تک رسائی کو محدود کرنا چاہئے۔
احسن علوی نے کہا بانی پی ٹی آئی کے وکلاء کو اس(مشال یوسفزئی) کا نام فہرست میں اب نہیں شامل کرنا چاہئے۔
مشال یوسفزئی اور بیرسٹر سیف کی بانی پی ٹی آئی تک رسائی پر طنز کرتے ہوئے علیمہ خان نے کہا کہ؛”ایکسپریس لین سڑیٹ ان“
علیمہ خان نے کہا کہ مشال یوسفزئی کا نام کسی بھی فہرست میں شامل نہیں ہونا چاہئے۔
واٹس ایپ پیغامات میں مشال یوسفزئی کو وزیر اعلیٰ خیبرپختونخوا کی مشیر کو عہدے سے ہٹائے جانے پر خوشی کا اظہار بھی کیا گیا۔ واٹس ایپ پیغامات کا تیسرا حصہ علیمہ خان اور وزیر اعلی ٰ خیبر پختونخوا علی امین گنڈا پور کے درمیان ہے۔
علیمہ خان شیر افضل مروت کی بیماری کی حالت میں تصویربمعہ عنوان شیئر کرتے ہوئے کہتی ہیں کہ ;”گیدڑافضل خان کی حالت کورونا کی نئی قسم جی ایچ کیو 420 کی وجہ سے تشویشناک ہے“
علیمہ خان نے کہا کہ مروت ہمیشہ اس وائرس کا شکار ہو تا ہے جب بھی بانی پی ٹی آئی احتجاج کی کال دیتا ہے۔
علی امین گنڈا پور نے طنزیہ جواب دیتے ہوئے کہا کہ ;”اس نے یہ ویڈیو بغیر ماسک کے بھیجی ہے۔۔۔یہ ہے فارم 47 کا قرنطینہ“
ان واٹس ایپ پیغامات سے یہ ثابت ہوتا ہے کہ پی ٹی آئی دھڑے بندی کا شکار ہو چکی ہے جس میں موروثی سیاست عروج پر ہے۔
سیاسی تجزیہ کاروں کے مطابق؛”اقتدار کے حصول کیلئے کوئی بھی ذریعہ اختیار کرنا پی ٹی آئی کا ٹریڈ مارک بن چکا ہے“ منظر عام پر آنے والے واٹس ایپ پیغامات بھی علیمہ خان کی خود غرض سیاست کاواضح ثبوت ہیں۔
سیاسی تجزیہ کار کے مطابق علیمہ خان چاہتی ہے کہ بانی پی ٹی آئی جیل میں ہی رہے، علیمہ خان کے مطابق جتنا عرصہ بانی پی ٹی آئی جیل میں رہے گا اس کا فائدہ ہوگا، کیونکہ بانی پی ٹی آئی کی رہائی علیمہ خان کے سیاسی سفر کا خاتمہ کردے گی۔
سیاسی تجزیہ کاروں کے مطابق واٹس ایپ پیغامات سے بانی پی ٹی آئی کے خواتین سے مراسم بھی واضح ہوتے ہیں، عائلہ ملک کیساتھ بانی پی ٹی آئی کی گفتگو کے منظر عام پر آنے کے بعد مشال یوسفزئی کے حوالے سے علیمہ خان تشویش کا شکار ہیں۔
سیاسی تجزیہ کاروں کے مطابق علیمہ خان پارٹی پر قبضے کیلئے بشریٰ بی بی، شیر افضل مروت اور دیگر پارٹی رہنماؤں کیخلاف سازشیں کر کے کمزور کر رہی ہے۔
دفاعی ماہرین کا کہنا ہے کہ علیمہ خان کا ریاستی اداروں کو وائرس سے منسوب کرنا ریاست دشمن بیانیے کا واضح ثبوت ہے۔
