اسلام آباد : بانی پی ٹی آئی کی ہمشیرہ علیمہ خان کا کہنا ہے مریم نواز ہدایت دے کر گئی ہیں کہ سب کو پکڑ لو، یہ کتنے لوگوں کو پکڑیں گے؟
تفصیلات کے مطابق بانی پی ٹی آئی کی ہمشیرہ علیمہ خان نے میڈیا سے گفتگو کرتے ہوئے کہا کہ 24نومبرکا احتجاج بانی پی ٹی آئی کی فائنل کال ہے، ہم پاکستانی ہیں اپنے بھائی کیساتھ پاکستان کیلئے کھڑے ہیں۔
علیمہ خان کا کہنا تھا کہ بانی پی ٹی آئی بے گناہ جیل میں ہیں انہیں رہا کرنا ہے کراچی اور بلوچستان کےلوگ اپنے اپنے شہروں میں احتجاج کریں گے۔
انھوں نے کہا کہ اپنے ملک کیلئےہم نے خود نکلنا ہے کوئی لےکر نہیں آتا ، 26ویں ترامیم آنی تھی یہ ایم این ایز پرظلم کر رہےتھے، ہم نے خود اپنا راستہ بنانا ہے ہمیں پتا ہے کنٹینرز کہاں کہاں ہوں گے۔
بانی پی ٹی آئی کی ہمشیرہ کا کہنا تھا کہ مریم نواز ہدایت دے کر گئی ہیں کہ سب کو پکڑ لو، یہ کتنے لوگوں کو پکڑ لیں گے، 10 ہزار کو پکڑیں گے اتنی تو ان کے پاس جگہ بھی نہیں۔
بانی پی ٹی آئی آپ کے مستقبل کے لئے جیل کےاندر ہیں ، آپ اپنے مستقبل کیلئے کھڑے ہوجائیں بانی پی ٹی آئی باہر آجائیں گے۔
پی ٹی آئی کا مطالبہ ہے بےگناہ کارکنوں کو رہا اور آئین کوبحال کیاجائے۔
