اڈیالہ جیل کے داخلی گیٹ پر بانی پی ٹی آئی کی ہمشیرہ علیمہ خانم اور پی ٹی آئی وکیلوں میں جھگڑا ہوگیا۔
اے آر وائی نیوز کے مطابق علیمہ خانم اور نعیم پنجوتھا میں تلخ کلامی ہوئی، علیمہ خانم نے کہا کہ بدتمیزی نہ کریں، عمران خان سے صرف وہی ملاقات کرے گا جس کو کوئی ذمہ داری سونپی گئی ہو۔
انہوں نے کہا کہ پٹیشن کا اختیار صرف سلمان اکرم اور سلمان صفدر کے پاس ہے۔
علیمہ خانم نے کہا کہ آپ بشریٰ بی بی کے فوکل پرسن ہیں آپ کس سے ملتے ہیں، نعیم پنجوتھا نے جواب دیا کہ میں کسی سے نہیں ملا جس سے ملا ہوں آپ بتائیں۔
بعد میں صحافی کے جھگڑے کے سوال پر علیمہ خانم نے کہا کہ مجھے روزہ لگا ہوا تھا۔
