پاکستان شوبز انڈسٹری کے معروف اداکارہ علی عباس نے ٹک ٹاک پر پابندی عائد کرنے کا مطالبہ کردیا۔
اداکار فیصل عباس نے حال ہی میں ڈیجیٹل پوڈ کاسٹ میں شرکت کی اور مختلف امور پر اپنے خیالات کا اظہار بھی کیا۔
اداکار نے کہا کہ آج کل کسی کی بھی سوشل میڈیا پوسٹ پر آکر منفی تبصرہ کرنا بہت آسان ہے اور یہ ہی بات کوئی کسی کے منہ پر نہیں کہہ سکتا کیونکہ پھر اگلا سامنے سے جواب دیگا۔
علی عباس نے کہا کہ آج کل لوگ سوشل میڈیا کے پیچھے چُھپ کر ایک دوسرے پر کیچڑ اُچھال رہے ہوتے ہیں، نئے آنے والے پھر اسی کیچڑ کو دیکھتے ہیں، کام کو نہیں۔
اداکار کا کہنا تھا کہ اس لیے اگر ہمیں ترقی کرنی ہے تو جس طرح حکومت اپنے مفاد کے لیے یوٹیوب یا ایکس پر پابندی عائد کرتی ہے اسی طرح قوم کے مفاد کے لیے ٹک ٹاک پر پابندی عائد کرنا وقت کی ضرورت ہے۔
ان کا کہنا تھا کہ آنے والی نسل تباہ ہوچکی ہے، اگر ترقی کرنا ہے تو چیک اینڈ بیلینس کی ضرورت ہے، سوشل میڈیا صارفین کے لیے 18 برس کی عمر مقرر کرنے کی ضرورت ہے۔ سوشل میڈیا کی نگرانی کی جائے اور اکاؤنٹ بنانے کے لیے شناختی کارڈ یا پاسپورٹ بطور شناخت کی شرط رکھی جائے۔
اداکار کا مزید کہنا تھا کہ نوجوان نسل اپنا راستہ کھو کر منفی رجحان میں مبتلا ہو رہی ہے، آج کل جو سوشل میڈیا پر جو مواد بن رہا ہے وہ نامناسب ہے اور دیکھنے کے بھی قابل نہیں ہے۔
