اسلام آباد : انسداد دہشت گردی کی عدالت نے وزیراعلیٰ علی امین گنڈا پور کو اشتہاری قرار دے دیا اور کیس دیگر ملزمان سے الگ کر دیا۔
تفصیلات کے مطابق انسداد دہشت گردی کی عدالت نے وزیراعلیٰ علی امین گنڈا پور کو اشتہاری قرار دینے کی کاروائی کا تحریری حکمنامہ جاری کردیا۔
انسداد دہشت گردی عدالت کے جج طاہر عباس سپرا نے تحریری حکم نامہ جاری کیا۔
جس میں کہا کہ تھانہ آئی نائن میں درج مقدمے میں وزیراعلیٰ کےپی کواشتہاری قراردیا گیا ہے اور گنڈاپور کو اشتہاری قرار دینے کے بعد کیس دیگرملزمان سےالگ کر دیا گیا ہے۔
پی ٹی آئی رہنما راجہ راشد حفیظ،واثق قیوم،راجہ خرم نواز فیصل جاوید اور عمر تنویر کے ناقابل ضمانت وارنٹ گرفتاری جاری کردیئے ہیں۔
غیر حاضر ملزمان کےوکلا نےحاضری سےاستثنیٰ کی درخواست دائر کی، غیرحاضر ملزمان کی حاضری سےمعافی کی درخواست مستردکی جاتی ہے اور ضمانتی مچلکے منسوخ کیے جاتے ہیں۔
انسداد دہشت گردی کی عدالت نے کیس کی مزید سماعت 28 نومبر تک ملتوی کردی۔
