راولا کوٹ : وفاقی وزیر امور کشمیر و گلگت بلتستان علی امین خان گنڈاپور نے کہا ہے کہ حکومت نے مسئلہ کشمیر کو بین الاقوامی سطح پر بھرپور انداز میں اجاگر کیا، پاکستان عالمی تنہائی سے باہر نکل چکا ہے۔
ان خیالات کا اظہار انہوں نے راولاکوٹ میں میڈیا سے گفتگو کرتے ہوئے کیا۔ انہوں نے کہا کہ مسئلہ کشمیر سلامتی کونسل کی قراردادوں کے مطابق حل ہونا چاہیے۔
کشمیریوں کو حقوق دلوانے کے لیے آخری حد تک جائیں گے، بدترین ریاستی دہشتگردی کے باوجود کشمیریوں کو حق خودارادیت سے دستبردار نہیں کروایا جا سکتا۔
علی امین گنڈاپور کا مزید کہنا تھا کہ اقوام متحدہ کی رپورٹ نے مقبوضہ کشمیر میں مظالم کو بےنقاب کیا، ہم نے مسئلہ کشمیر کو بین الاقوامی سطح پر بھرپور اندازمیں اجاگر کیا۔
مسئلہ کشمیر پرروزانہ کی بنیاد پر پیشرفت ہورہی ہے، مسئلہ کشمیر کا حل عالمی امن کے لیے انتہائی ضروری ہے، پاکستان عالمی تنہائی سے باہرنکل چکا ہے۔
متحرک سفارت کاری کی بدولت مودی کی سفاکیتدنیا کے ےسامنے بےنقاب ہوگئی۔ نہوں نے کہاکہ بھارت مقبوضہ کشمیر میں ظلم و تشدد بند کرے۔
