پی آئی اے نجکاری کے معاملے پر کےپی انویسٹمنٹ بورڈ نے وفاقی وزیرنجکاری کے نام دوسرا خط ارسال کر دیا۔
خط کے مطابق خیبرپختونخوا حکومت نے یکم نومبر کو پی آئی اے نجکاری میں دلچسپی کا اظہار کیا تھا لیکن خط بھیجے 10 روز گزر چکے ہیں اپ ڈیٹ چاہیے۔
خط میں کہا گیا ہے کہ بورڈ آف انویسٹمنٹ کو وزیراعلیٰ خیبرپختونخوا کی بھرپور حمایت حاصل ہے انویسٹمنٹ بورڈ پی آئی اے کی نجکاری میں حصہ لینے کیلئے تیار ہے، پی آئی اے نجکاری پر کےپی انویسٹمنٹ بورڈ آپ کے جواب کا منتظر ہے۔
- Advertisement -
وائس چیئرمین بورڈ آف انویسٹمنٹ حسن مسعود کنور کا کہنا ہے کہ علی امین گنڈاپور پی آئی اے خریدنے میں خصوصی دلچسپی لے رہے ہیں، بی اوآئی ٹی اور سرمایہ کار پی آئی اے خریدنے کےلیے تیار بیٹھے ہیں پی آئی خریدنےکےلیے سنجیدہ ہیں یہ سیاسی معاملہ نہیں ہے۔
