شوبز انڈسٹری کے معروف اداکار علی رضا نے سابق کپتان شاہد آفریدی کے ساتھ سیلفی لیتے وقت کے واقعے کو بیان کیا ہے۔
اے آر وائی ڈیجیٹل کے ڈرامہ سیریل ’دستک‘ میں علی رضا مرکزی کردار نبھا رہے ہیں، حال ہی میں ادداکار نے پوڈ کاسٹ میں شرکت کی اس دوران انہوں نے سابق کپتان شاہد آفریدی کی تعریف کی۔
علی رضا نے انکشاف کیا کہ میری زندگی میں ایک خاص لمحہ تب آیا جب میں مشہور کرکٹر شاہد آفریدی سے ملا۔
انہوں نے بتایا کہ ایک مرتبہ میں اپنے تعلیمی ادارے میں تھا جب شاہد آفریدی وہاں آئے، چونکہ بچپن سے ہی میں ان کا فین تھا اس لیے انہیں دیکھ کر دنگ رہ گیا، ہمت کر کے شاہد آفریدی سے سیلفی کی درخواست کی جسے انہوں نے بخوشی قبول کر لیا۔
اداکار نے کہا کہ جیسے ہی میں نے تصویر کھینچنے کے لیے اپنا فون نکالا تو وہ بند ہوگیا اور میں بہت پریشان ہوا، مگر شاہد آفریدی نے اپنے فون سے سیلفی لی اور خود ہی مجھے واٹس ایپ پر بھیج دی۔
علی رضا کا کہنا ہے کہ یہ واقعہ میرے کے لیے بہت یادگار بن گیا، شاہد آفریدی نے ناصرف میرا دن بنا دیا بلکہ مجھے یہ بھی سکھایا کہ اپنے مداحوں کی عزت کیسے کی جاتی ہے اور ان کا دل کیسے جیتا جاتا ہے؟
واضح رہے کہ علی رضا نے اس سے قبل ڈرامہ سیریل ’نور جہاں‘ میں مرکزی کردار نبھایا تھا جس میں ان کے ساتھ کبریٰ خان موجود تھیں۔
