ملک بھر میں آج جشن عید میلاد النبی ﷺ کو مذہبی جوش و خروش سے منایا گیا، ہر شخص نے پرمسرت دن کو اپنے انداز سے منایا اور دوستوں کو مبارک باد کے پیغامات بھیجے۔
پاکستانی اداکار اور معروف شخصیات نے بھی مذہبی عقیدت و احترام کے ساتھ محسنِ انسانیت حضور اقدس ﷺ کے ولادت کے دن کو منایا اور مبارک باد پیش کی۔
پاکستانی گلوکار اور اداکار علی ظفر نے سماجی رابطے کی ویب سائٹ پر ’بَلَغَ الٌعُلا بِكَمالِہِ کوئی حد ہے اُن کے عروج کی‘ مشہور نعت کو نئے انداز سے پیش کرنے کی ویڈیو شیئر کی۔
انہوں نے اس ویڈیو کو شیئر کرتے ہوئے دنیا بھر میں بسنے والے مسلمانوں کو عید میلاد النبی ﷺ کی مبارک باد بھی پیش کی۔
بَلَغَ الٌعُلا بِكَمالِهِ
کوئی حد ہے اُن کے عروج کیآپ سب کو عید میلاد النبی ﷺ مبارک #عید_میلاد_النبی pic.twitter.com/ZnDomUD2kS
— Ali Zafar (@AliZafarsays) October 18, 2021
اداکارہ مہوش حیات نے حضور ﷺ کی بارگاہ میں سلام کے دو اشعار ’جن کے آنے سے روشن ہوئے دونوں جہاں ، اُن ﷺ کے قدموں کی برکت پہ لاکھوں سلام‘ لکھے اور عالم اسلام کو ولادت النبی ﷺ کی مبارک باد پیش کی۔
جن کے آنے سے روشن ہوۓ دونوں جہاں
اُن ﷺ کے قدموں کی برکت پہ لاکھوں سلام 💚#EidMiladunNabiMubarak🌹جشنِ آمدِ رسول ﷺ مبارک 🌙 pic.twitter.com/U4U6PG5eF8
— Mehwish Hayat TI (@MehwishHayat) October 19, 2021
اداکار ہمایوں سعید نے ولادت النبی ﷺ کی مبارک باد پیش کرتے ہوئے دعا کی کہ اللہ تعالیٰ ہمیں نبی کریم ﷺ کی سیرت طیبہ پر چلنے کی توفیق عطا فرمائے۔
May Allah give us the courage, strength and ability to follow in the footsteps of our beloved prophet Muhammad ﷺ #جشن_آمد_رسولﷺ_مبارک pic.twitter.com/SNMfLZnNWB
— Humayun Saeed (@iamhumayunsaeed) October 19, 2021
یاد رہے کہ جشن عید میلاد النبی ﷺ کے سلسلے میں کراچی سمیت ملک کے طول عرض میں عمارتوں کو برقی قمقموں سے سجایا گیا جبکہ ہر سو درودو سلام کی صدائیں بلند ہو رہی ہیں۔
جشن عید میلادالنبی کے سلسلے میں عاشقان رسول ﷺ نے خانہ کعبہ اور مسجد نبوی کے حوبصورت ماڈلز بنا کر سرور کائنات سے اظہار عقیدت کیا، رسول کریم ﷺ محبت کا تقاضا ہے کہ مسلمان متحد ہو کر معاشرے میں امن و آشتی قائم کریں کیونکہ آپ ﷺ نے امن و محبت، بھائی چارگی اور احترام انسانیت کا ہی درس دیا جو رہتی دنیا تک قائم رہے گا۔
