The news is by your side.

Advertisement

‘میشا شفیع عدالت نہیں آتیں تو مفرور قرار دی جائیں گی’

لاہور : معروف اداکار اور گلوکار علی ظفر کی وکیل بیرسٹرعنبرین کا کہنا ہے کہ ہمارا کیس مضبوط ہے، میشا شفیع کہ نہ آنے سے فرق نہیں پڑے گا، میشا شفیع عدالت نہیں آتیں تو مفرور قرار دی جائیں گی۔

تفصیلات کے مطابق معروف اداکار اور گلوکار علی ظفر کی وکیل بیرسٹرعنبرین نے میڈیا سے گفتگو کرتے ہوئے کہا ہے کہ ہمارا کیس مضبوط ہے، میشاشفیع کہ نہ آنے سے فرق نہیں پڑےگا، میشا نےعلی کوٹوئٹ سے پہلے ہی کہا تھا می ٹومہم چلاؤں گی، کیس کا آغاز میشا شفیع کے ٹوئٹ سے نہیں ہوتا۔

وکیل علی ظفر کا کہنا تھا کہ میشاشفیع آکرگانوں کی ریکارڈ کرارہی ہیں،عدالت نہیں آرہیں، وہ پیش نہ ہوکرعدالت کی توہین کررہی ہیں، میشاشفیع عدالت نہیں آتیں تو مفرور قرار دی جائیں گی۔

بیرسٹرعنبرین نے کہا کہ علی ظفرپرالزام لگانے والے پیش نہیں ہورہے،عدالت بلارہی ہے، جولوگ عدالت نہیں آرہے اس کے ساتھ وہی ہوگا، جو کرمنلز کیساتھ ہوتا ہے، میشا ریکارڈنگز کیلئے آرہی ہیں پرعدالت نہیں،ججز بھی یہ دیکھ رہے ہیں۔

ان کا کہنا تھا کہ اس کیس میں ایف آئی اے رپورٹ اہم ہے، عدالت کے احکامات کو نظراندازکریں گے تو جج آرڈر دے سکتے ہیں، علی ظفرکو دھمکیاں دی گئیں اس کا جواب تو دینا ہوگا۔

بیرسٹرعنبرین نے مزید کہا کہ میشاجس دن کاواقعہ بیان کرتی ہیں وہاں پرلوگ موجودتھے، ہمارےپاس ان کےغلط الزام سےمتعلق گواہ،ویڈیوزموجودہیں، موقع پرموجودلوگ ایسےکسی بھی واقعےسےمتعلق انکارکرتےہیں۔

Comments

یہ بھی پڑھیں