معروف پاکستانی گلوکار علی ظفر کا کہنا ہے کہ ایچ بی ایل پی ایس ایل 9 کے آفیشل اینتھم ’کھل کے کھیل‘ کی ریکارڈنگ مکمل ہوگئی ہے۔
پی ایس ایل سیزن 9 کے آفیشل اینتھم میں گلوکار علی ظفر اور آئمہ بیگ اپنی آواز کا جادو جگائیں گے جس سے متعلق گلوکار نے خوشخبری سنائی ہے کہ گانے کی ریکارڈنگ مکمل ہوگئی ہے۔
سماجی رابطے کی ویب سائٹ ایکس (ٹوئٹر) پر علی ظفر نے آئمہ بیگ کے ساتھ تصویر شیئر کی۔
علی ظفر نے لکھا کہ ’پی ایس ایل کے ترانے ’کھل کے کھیل‘ کی ریکارڈنگ سپر ٹیلنٹڈ آئمہ بیگ کے ساتھ کی گئی، اب ویڈیو پر ڈانس کرنے کا وقت آگیا ہے کوئی اچھے اسٹیپس بتائیں۔
PSL Anthem “Khul Ke Khel” ‘s recording done with the super talented Aima Baig. Now time to dance for the video. Koi ache se steps batao. #HBLPSL #HBLPSLanthem #anthem #KhulKeKhel pic.twitter.com/Zgl3DvnRvS
— Ali Zafar (@AliZafarsays) February 7, 2024
واضح رہے کہ پی ایس ایل کا آغاز 17 فروری کو لاہور میں ہوگا جہاں 2 بار کی چیمپئین لاہور قلندرز کا مقابلہ اسلام آباد یونائیٹڈ سے ہوگا جبکہ فائنل 18 مارچ کو کراچی میں کھیلا جائے گا۔
