معروف پاکستانی گلوکار و اداکار علی ظفر نے شیر خوار بچی کی ویڈیو ری ٹویٹ کی جو سوشل میڈیا پر وائرل ہورہی ہے۔
پاکستانی گلوکار و اداکار علی ظفر کے گانوں کو مداحوں کی جانب سے خوب پسند کیا جاتا ہے اور ان کا حالیہ پشتو گانا ’لارشا پخوار‘ کو مداحوں کی جانب سے خوب پسند کیا گیا۔
علی ظفر کے گانے نے یوٹیوب پر بھی ریکارڈ کام کیے، گانے میں ان کے ساتھ پشتو گلوکارہ گل پانڑا نے بھی اپنی آواز کا جادو جگایا تھا۔
اب ایک کمسن بچی کو بھی علی ظفر کا یہ گانا بھا گیا اور گانے پر اس کے ردعمل کی ویڈیو بھی گلوکار نے شیئر کردی۔
ٹویٹر پر نجف آغا نامی خاتون صارف نے بیٹی کی ویڈیو شیئر کرتے ہوئے لکھا کہ ’علی ظفر میری ڈیڑھ سال کی بیٹی بھی آپ کے گانوں کی مداح ہے اس کا ردعمل دیکھیں۔
— Ali Zafar (@AliZafarsays) January 19, 2022
علی ظفر نے خاتون کی بیٹی کی ویڈیو کو ری ٹویٹ کرتے ہوئے ’دل کی ایموجی‘ بنائی۔
گلوکار کے مداحوں کی جانب سے بھی بچی کی ویڈیو کو پسند کیا جارہا ہے اور اس پر کمنٹس بھی کیے جارہے ہیں۔
واضح رہے کہ گزشتہ سال علی ظفر نے پشتو گانے لارشا پخوار کو اپنی آواز میں گایا تھا اور گانے میں ان کے ہمراہ گل پانڑا بھی موجود تھیں۔
