پاکستان کے عالمی شہرت یافتہ گلوکار و اداکار علی ظفر نے معروف بھارتی اسٹینڈ اپ کامیڈین کپل شرما سے متعلق اہم انکشاف کر کے لوگوں کو حیران کر دیا۔
میڈیا رپورٹس کے مطابق علی ظفر نے نجی نیوز چینل کے عید شو میں گفتگو کرتے ہوئے انکشاف کیا کہ کپل شرما نے نسیم وکی سے کامیڈی سیکھی۔ نسیم وکی پاکستان کے معروف اسٹینڈ اپ کامیڈین، ڈرامہ نگار اور ڈائریکٹر ہیں۔
علی ظفر نے شو میں کہا کہ جب ’کپل شرما شو’ میں شرکت کیلیے گیا تو شو سے قبل کپل شرما نے بتایا تھا کہ میں نے نسیم وکی سے کامیڈی سیکھی۔ گلوکار نے اس بارے میں مزید تفصیلات نہیں بتائیں۔
نسیم وکی ’کپل شرما شو‘ کا حصہ ہیں۔ انہوں نے ایک حالیہ پوڈکاسٹ میں شرکت کے دوران گفتگو میں کہا تھا کہ کپل نے پہلی ملاقات میں مجھے کہا تھا کہ میں آپ کا درشن کرنے آیا ہوں، وہ میرا چھوٹا بھائی ہے۔
پوڈکاسٹ میں ان کا کہنا تھا کہ پاکستان میں اداکاروں اور ڈائریکٹرز کی تعداد بہت زیادہ نہیں، ہمارے یہاں اتنی فلمیں ہی بنتی کہ ان کی تشہیر کیلیے فنکار شو میں آئیں۔
