تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

علی عظمت سے کہوں گا آپ خوش رہا کریں، علی ظفر کا ردعمل

کراچی: پاکستان کے معروف گلوکار و اداکار علی ظفر کا کہنا ہے کہ میں علی عظمت کا بہت احترام کرتا ہوں، ان سے کہوں گا کہ آپ خوش رہا کریں۔

تفصیلات کے مطابق گلوکار علی ظفر نے اے آر وائی نیوز کے پروگرام ’ہر لمحہ پرجوش‘ میں علی عظمت کے بیان کا ردعمل دیتے ہوئے کہا کہ بات جذبات پر نہیں حقائق پر کی جاتی ہے، میں کیسے کسی کے گانے کو ناپسندیدہ بنا سکتا ہوں۔

علی ظفر نے کہا کہ مجھ سے بھی کبھی اچھے کبھی خراب گانے بن جاتے ہیں، میرے پاس ایسی کیا طاقت ہے جو لوگوں کو متوجہ کرسکتا ہوں، پی ایس ایل پاکستان کا برانڈ ہے اور پاکستانیوں کے لیے ہے۔

انہوں نے کہا کہ پی ایس ایل کے لیے جوکرسکتا تھا کیا اور آئندہ بھی کروں گا، کوشش کی پی ایس ایل برانڈ بنے جس سے لوگوں کو خوشیاں ملیں، میرے گانا نہ چلانے کی ہدایت سے متعلق وہی لوگ بتاسکتے ہیں جو باتیں کررہے ہیں۔

مزید پڑھیں: سوچتا ہوں گانا چھوڑ کر پروگرام اینکر بن جاؤں: علی عظمت

علی ظفر کا کہنا تھا کہ میں نہیں چاہتا کسی کی دل آزاری ہو، اگر عوام چاہتے ہیں پی ایس ایل کا کوئی گانا بناؤں تو ضرور بناؤں گا، پاکستان کے لیے میری جان بھی حاضر ہے۔

واضح رہے کہ گزشتہ روز گلوکار علی عظمت کا کہنا تھا کہ اس بار متنازع گانا گانے والے آرٹسٹ کو نہیں لیا گیا، علی ظفر کے ٹوئٹ پر میرا رد عمل ہے کہ اللہ انھیں خوش رکھے، عاصم اظہر نے بہترین گانا گایا ہے۔

علی عظمت کا کہنا تھا کہ کچھ بلاگرز کی جانب سے ہمارے گانے پر جان بوجھ کر تنقید کی گئی، وسیم بادامی نے کہا کہ کیا آپ علی ظفر کی بات کررہے ہیں جس پر علی عظمت نے کہا نہیں علی ظفر کی بات نہیں کررہا۔

ایک اور سوال پر علی عظمت نے کہا کہ ٹی وی پر اینکرز کو زیادہ ٹائم ملتا ہے، مجھے رشک آتا ہے، سوچتا ہوں گانا چھوڑ کر میں بھی پروگرام اینکر بن جاؤں۔

Comments

- Advertisement -