کراچی : وفاقی وزیرپورٹ اینڈشپنگ علی زیدی نے کہا ہے کہ فلم گاڈفادربنانے والے کو پاکستان کے شریف خاندان پرفلم بنانا چاہئیے ، اللہ کا قہر ان لوگوں پرنازل ہو، جنہوں نے اس ملک کولوٹا۔
تفصیلات کے مطابق وفاقی وزیرپورٹ اینڈشپنگ علی زیدی نے سماجی رابطے کی ویب سائٹ ٹوئٹر پر نواز شریف کی ویڈیو شیئر کرتے ہوئے پیغام میں کہا کہ فلم گاڈفادربنانے والے فرانسس فورڈ کوپاکستان کے شریف خاندان پرفلم بنانا چاہئیے، اللہ ان تمام لوگوں پرکرم فرمائے جواس عظیم ملک اوراس کے عوام کے لئے جنگ کررہے ہیں اور اللہ کا قہر ان لوگوں پر نازل ہو، جنہوں نے اس ملک کو لوٹا۔
Francis Ford Coppola who wrote the GodFather should do a film on the Sharif Family of Pakistan.
May Allah bless all who fight & struggle for this great country & it’s people.
May the Wrath of Allah fall on all those who have looted Pakistan. pic.twitter.com/k4A5pIZM83
— Ali Haider Zaidi (@AliHZaidiPTI) November 20, 2019
خیال رہے گذشتہ روز سابق وزیراعظم نواز شریف علاج کے لیے لندن میں پارک لین فلیٹس پہنچے، ذاتی معالج ڈاکٹر عدنان اور 2 ملازمین بھی ان کے ہمراہ تھے، خاندانی ذرائع کا کہنا تھا کہ نوازشریف کاعلاج اسپتال نہیں لندن میں گھرپرہوگا، اس سلسلےمیں گھرکےایک کمرے کو مختص کیاگیا ہےجس میں تمام طبی سہولیات موجود ہیں۔
مزید پڑھیں : علی زیدی نے نوازشریف کے بیرون ملک علاج پر اعتراض اٹھا دیا
یاد رہے وفاقی وزیربرائے بحری امور علی زیدی نے نواز شریف کی بیرون ملک روانگی اور علاج پر اعتراضات اٹھائے تھے، انھوں نے شہباز شریف کے دورحکومت کی ایک ویڈیو پوسٹ کی، ویڈیو میں شہبازشریف عظیم اسپتال کے افتتاح کے دوران جوش خطابت کا مظاہرہ کررہے تھے، اسی ویڈیو پر علی زیدی نے سوال اٹھایا کہ شہبازشریف نے اسپتال کا افتتاح کرتے ہوئے کہا تھا کہ یہاں عالمی معیار کا علاج ہوگا، علاج کی سہولتیں دنیا کے کسی بھی اسپتال سے کم نہیں ہوں گی۔ تو نوازشریف کا علاج یہاں کیوں نہیں ہوسکتا؟
0
20
