کراچی: پولیس کی جانب سے پاکستان تحریک انصاف( پی ٹی آئی) سندھ کے صدر و سابق وفاقی وزیر علی زیدی کی رہائش گاہ پر چھاپہ مارا گیا۔
یہ بات انہوں نے سماجی رابطے کی ویب سائٹ ٹوئٹر پر گزشتہ رات اپنے جاری کردہ پیغام میں بتائی، انہوں نے کہا کہ اس وقت میری بیوی اور بچے گھر میں اکیلے تھے۔
اگر کسی نے میرے گھر میں داخل ہونے کی کوشش بھی کی تو زرداری اور اس کے بیٹے کا دنیا کے آخری کونے تک پیچھا کروں گا۔
Police surrounded my house in DHA Karachi. 5 mobile vans & 2 corollas. My wife is home alone with my kids. If they dare enter my house, Zardari I will chase u down & your spolit brat son to all corners of the world u low life thugs! #حقیقی_آزادی_مارچ#امپورٹڈ_حکومت_نامنظور
— Ali Haider Zaidi (@AliHZaidiPTI) May 25, 2022
علی زیدی کے مطابق وہ گزشتہ رات نمائش چورنگی پر ہونے والے احتجاجی دھرنے میں موجود تھے کہ 5 پولیس موبائل اور دو کرولا کاروں نے ان کے گھر کا گھیراؤ کیا۔
سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں صدر پی ٹی آئی سندھ علی زیدی نے لکھا کہ میری بیوی اور بچے گھر میں اکیلے ہیں، اگر کسی نے گھر میں داخل ہونے کی کوشش کی تو زرداری اور اس کے بیٹے کا دنیا کے آخری کونے تک پیچھا کروں گا۔
