The news is by your side.

Advertisement

پیپلزپارٹی کراچی سے ووٹ نہ ملنے کا بدلہ لے رہی ہے، علی زیدی

کراچی : وفاقی وزیر علی زیدی نے کہا ہے کہ کراچی میں نالوں کی صفائی نہیں کی گئی اس لئےپانی جمع ہے، پیپلزپارٹی کراچی سے ووٹ نہ ملنے کا بدلہ لے رہی ہے۔

یہ بات انہوں نے گزشتہ روز کراچی میں ہونے والی موسلا دھار بارش کے بعد شہر کی سیلابی صورتحال پر اپنے رد عمل میں کہی، علی زیدی نے کہا کہ بارش میں نکاسی نہیں ہوگی تو پانی تو جمع ہوگا۔

ہم نے گزشتہ سال کراچی میں سو سے زائد مقامات پر جمع ہونے والے پانی سے کچرا نکالا تھا، کراچی میں نالوں کی صفائی نہیں کی گئی اس لئے پانی جمع ہے۔

وفاقی وزیر نے کہا کہ مجھے لگتا ہے حکومت سندھ کراچی کے لوگوں سے ووٹ نہ ملنے کا بدلہ لے رہی ہے، سوشل میڈیا پربارش کے بعد کی صورتحال سب کے سامنے ہے، کیا جھوٹ بولنے سے سڑکوں پر جمع پانی ختم ہوجائے گا؟

انہوں نے کہا کہ سندھ حکومت سے بہتری کی کوئی توقع نہیں، کام کرنا پڑے تو انہیں 18 ویں ترمیم یاد آجاتی ہے، کراچی کے مسائل کا حل لوکل گورنمنٹ کے مضبوط نظام میں ہی ہے۔

مزید پڑھیں : علی زیدی جے آئی ٹی متنازع بنا کر ملزمان کو فائدہ پہنچانا چاہتے ہیں، مراد علی شاہ

علی زیدی نے کہا کہ وزیراعظم سے ملاقات میں کراچی کی بہتری کے لئے بات کروں گا، سندھ حکومت کراچی کے ساتھ جان بوجھ کر بدلہ لے رہی ہے، سوشل میڈیا پر ویڈیوز ڈالی ہیں، سب کچھ لوگوں کو معلوم ہے۔

 

Comments

یہ بھی پڑھیں