The news is by your side.

Advertisement

’ضمانت پر رہا افراد کابینہ میں شامل، پرانے پاکستان میں خوش آمدید‘

اسلام آباد: پاکستان تحریک انصاف کے رہنما علی زیدی کا کہنا ہے کہ مسلم لیگ ن کے کابینہ میں 100 فیصد اراکین ضمانت پر ہیں، پرانے پاکستان میں خوش آمدید۔

تفصیلات کے مطابق سابق وفاقی وزیر اور پاکستان تحریک انصاف کے رہنما علی زیدی نے سماجی رابطے کی ویب سائٹ ٹویٹر پر ٹویٹ کرتے ہوئے نئی کابینہ کے ارکان پر سخت تنقید کی۔

علی زیدی کا کہنا تھا کہ ہماری نئی کابینہ کےحالات دیکھیں، شازیہ مری پر جعلی ڈگری کا کیس ہے، قادر پٹیل پر ہاکس بے اراضی کا کیس ہے اور خورشید شاہ اور راجہ پرویز اشرف ضمانت پر ہیں۔

انہوں نے کہا کہ حنا ربانی پر بجلی چوری کا کیس ہے۔

علی زیدی کا کہنا تھا کہ کابینہ میں مسلم لیگ ن کے 100 فیصد اراکین ضمانت پر ہیں، پرانے پاکستان میں خوش آمدید۔

خیال رہے کہ نومنتخب وزیر اعظم شہباز شریف کی 34 رکنی وفاقی کابینہ آج حلف اٹھانے جارہی ہے، کابینہ میں خواجہ آصف، احسن اقبال، رانا ثنا اللہ، مریم اورنگزیب، سعد رفیق، جاوید لطیف اور دیگر شامل ہیں۔

Comments

یہ بھی پڑھیں