کراچی: وفاقی وزیر برائے بحری امور علی زیدی نے کہا ہے کہ نواز شریف اب ن لیگ اور شریف قبیلے کے قیدی ہیں۔
تفصیلات کے مطابق وفاقی وزیر علی حیدر زیدی نے سماجی رابطے کی ویب سائٹ ٹویٹر پر اپنے پیغام میں کہا ہے کہ نواز شریف اب ن لیگ اور شریف قبیلے کے قیدی ہیں، میں یہ سمجھنے سے قاصر ہوں کہ شریف فیملی اور ان کے قریبی ساتھی گارنٹی بانڈ کیوں جمع نہیں کراتے۔
انہوں نے لکھا کہ ‘یہ نواز شریف کے لیے بانڈ جمع کرائیں اور انہیں باہر لے جاکر علاج کرالیں۔‘
علی زیدی کا کہنا تھا کہ کیا پیسہ آپ کے لیے لیڈر سے زیادہ اہم ہے، کیا بچوں کے لیے پیسہ ابو سے زیادہ اہم ہے۔
Sadly, Nawaz Sharif is now under arrest & a prisoner of PMLN & the Sharif clan.
I fail to understand why his family/political aides don’t just deposit the surety bond so he can go & get himself treated!
Is money more important that your father/leader?— Ali Haider Zaidi (@AliHZaidiPTI) November 13, 2019
میاں صاحب کے بیٹوں کو پیسوں کی زیادہ فکر ہے، واوڈا
اس سے قبل وفاقی وزیر فیصل واوڈا کا کہنا تھا کہ نواز شریف کے دونوں بیٹے اور سمدھی اسحاق ڈار آکر ضمانت دے دیں، ان کے بیٹوں کو پیسوں کی زیادہ فکر ہے۔
فیصل واوڈا کا کہنا تھا کہ میرا ڈومین نہیں پھر بھی وزیراعظم عمران خان سے اس پر بات کروں گا، میں نے کابینہ میں کہا تھا ضمانت کے طور پر جاتی امرا لکھوائیں۔
فاقی وزیر نے مزید کہا کہ کل نواز شریف کی زندگی اور موت کی باتیں ہورہی تھیں آج شورٹی نہیں دی جارہی ہے۔
واضح رہے کہ حکومت نے سابق وزیراعظم نوازشریف کو علاج کے غرض سے4ہفتےکیلئےبیرون ملک جانےکی مشروط اجازت دے دی ہے۔
کابینہ کی ذیلی کمیٹی کے سربراہ فروغ نسیم نے پریس کانفرنس کرتے ہوئے کہا تھا کہ نوازشریف کو4 ہفتےکےلیے بیرون ملک جانے کی ون ٹائم اجازت ہوگی جب کہ نوازشریف یا شہبازشریف7ارب روپےکے سیکیورٹی بانڈزجمع کرائیں گے۔
