ممبئی: بالی وڈ کی معروف اداکارہ عالیہ بھٹ نے اپنی نئی ریلیز ہونے والی فلم ’براہمسترا‘ کا بائیکاٹ کرنے والوں کو جواب دے دیا۔
بھارتی میڈیا کے مطابق ’براہمسترا‘ 9 ستمبر کو سنیما گھروں میں نمائش کے لیے پیش کی جائے گی جس کے لیے تمام انتظامات حتمی مراحل میں داخل ہوگئے۔ فلم میں عالیہ بھٹ اپنے شوہر رنبیر کپور، امیتابھ بچن اور شاہ رخ خان سمیت دیگر ساتھ جلوہ گر ہوں گی۔
ادھر فلم کی ریلیز سے قبل ہی سوشل میڈیا پر اس کے خلاف بائیکاٹ مہم شروع ہوگئی۔
مزید پڑھیں: عالیہ بھٹ لباس پر بچے کی پیدائش سے متعلق جملہ لکھوانے پر تنقید کی زد میں
فلم کی تشہیر کے لیے منعقدہ ایک تقریب میں عالیہ بھٹ نے اس پر ردعمل دیا کہ فلم کی ریلیز کے لیے یہ ایک خوبصورت ماحول ہے، ہمیں صحت مند اور رہنے کی ضرورت ہے۔
عالیہ بھٹ نے کہا کہ ہم سب کو عام طور پر اپنی زندگی کے لیے شکر گزار ہونا چاہیے، ماحول میں منفی کچھ نہیں ہے بلکہ سب مثبت ہیں اور سب اچھا ہیں۔
ان کا کہنا تھا کہ ہمیں خوشی ہے کہ سنیما گھروں کی رونقیں لوٹ آئیں، تھیٹروں میں فلموں کی واپسی ہو رہی ہے، ہم اپنے حصے کا کام کر کے سامعین کے لیے پیش کر رہے ہیں۔
