اسلام آباد: امریکی نمائندہ خصوصی برائے افغان مفاہمتی عمل زلمے خلیل زاد اور امریکی نائب وزیرِ خاجہ ایلس ویلز دورے پر کل پاکستان آئیں گے۔
تفصیلات کے مطابق ترجمان دفترخارجہ نے کہا ہے کہ افغان مفاہمتی عمل میں امریکی نمائندہ خصوصی زلمے خلیل زاد اور ایلس ویلز کل پاکستان آ رہے ہیں۔
دونوں رہنما پاکستان میں اہم ملاقاتیں کریں گے، زلمے خیل زاد اور ایلس ویلز کے دورے کا مقصد مشاورت، افغان مفاہمتی عمل اور دو طرفہ روابط کو بہتر بنانا ہے۔
یہ بھی پڑھیں: قطرمیں مذاکرات ملتوی ہونے پرمایوسی ہوئی، زلمے خلیل زاد
یاد رہے کہ ایک ہفتہ قبل واشنگٹن میں امریکی نمائندہ خصوصی زلمے خلیل زاد نے کہا تھا کہ انھیں قطر مذاکرات ملتوی ہونے پر مایوسی ہوئی ہے، مذاکرات کا کوئی نعم البدل نہیں، ضرورت ہو تو ہم مدد کو تیارہیں۔
افغان حکومت اور افغان طالبان کے درمیان ہونے والے دوحا مذاکرات آخری لمحات پر منسوخ کردیے گئے تھے، ترجمان افغان صدارتی محل نے مذاکرات منسوخی کی تصدیق کرتے ہوئے کہا کہ مذاکرات افغان وفد پر قطری حکومت کے اعتراض پر منسوخ ہوئے۔
