The news is by your side.

Advertisement

امریکی پولیس 22 سال بعد بھی قاتل کی تلاش میں

کال پیپر: امریکی ریاست ورجینیا کی پولیس آج بھی 22 سال قبل قتل ہونے والی 25 سالہ خاتون کے قاتل کی تلاش میں ہے‘ اس قتل کے بعد بھی اسی مقام پر متعدد خواتین کو اغوا کرنے کی کوشش کی جاچکی ہے۔

تفصیلات کے مطابق ورجینیا پولیس نے اپنے حالیہ بیان میں کہا ہے کہ وہ آج بھی 22 سال قبل لاپتہ ہونے اور بعد ازاں مردہ حالت میں پائی جانے والی الیشیا شووالٹر رینالڈ کے قاتل کی تلاش میں ہیں اور اس سلسلے میں کسی بھی قسم کی معلومات کو خوش آمدید کہیں گے۔

پولیس کا کہنا ہے کہ آج سے 22 سال قبل الیشیا رینالڈ ‘بالٹی مور سے شارلٹس ول کی جانب اپنی مرکری ٹریسر نامی گاڑی میں سفر کررہی تھیں۔ یہ 2 مارچ 1996 کا دن تھا جب انہیں روٹ 29 پر ایک دیہاتی علاقے میں آخری بار دیکھا گیا تھا۔ یہ علاقہ واشنگٹن ڈی سی کے جنوب مغرب میں 90 کلو میٹر کے علاقے میں واقعہ ہے۔

Alicia Showalter

عینی شاہد کے مطابق الیشیا نے سڑک کنارے اپنی گاڑی پارک کی اور چند ہی لمحوں میں ایک 35 سے 45 سال کی درمیانی عمر کے گورے نے انہیں اپنی گہرے رنگ کی پک اپ گاڑی میں کھینچ لیا۔ پولیس انہیں تلاش کرتی رہی تاہم ان کا کوئی سراغ نہیں ملا۔ دو ماہ کے بعد ان کی لاش پولیس کو مل گئی۔

اس واقعے کے بعد متعدد خواتین نے پولیس کو اطلاع دی کی کہ کسی شخص نے روٹ 29 پر انہیں زبردستی روکا یا روکنے کی‘ تاہم آج 22 سال بعد بھی پولیس یہ معمہ حل نہیں کرپائی ہے‘ لیکن آج بھی پرامید ہے کہ ایک نہ ایک دن وہ الیشیا کے قاتل کو گرفتار کرلیں گے اور اسے قانون کے مطابق سزا دی جائے گی۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

Print Friendly, PDF & Email

Comments

comments

یہ بھی پڑھیں