اے آر وائی ڈیجیٹل کے ڈرامہ سیریل ’تقدیر‘ میں ’ماہین‘ کا منفی کردار نبھانے والی اداکارہ عالیہ علی نے انسٹاگرام پر نئی تصاویر شیئر کردیں۔
فوٹو اور ویڈیو شیئرنگ ایپ انسٹاگرام پر عالیہ علی نے نئی تصاویر شیئر کیں جس میں سفید اور نیلے رنگ کے لباس میں خوشگوار موڈ میں دیکھا جاسکتا ہے۔
اداکارہ نے چند گھنٹوں قبل یہ تصاویر شیئر کیں جسے اب تک ہزاروں صارفین دیکھ چکے ہیں اور اس پر اپنی رائے بھی ظاہر کررہے ہیں۔
واضح رہے کہ عالیہ علی نے اے آر وائی ڈیجیٹل کے ڈرامہ سیریل ’نیلی زندہ ہے‘ میں مرکزی کردار نبھایا تھا۔
عالیہ علی سوشل میڈیا پر کافی متحرک رہتی ہیں اور اکثر اپنی تصاویر شیئر کرتی رہتی ہیں جسے ان کے مداحوں کی جانب سے بھی پسند کیا جاتا ہے۔
یاد رہے کہ ڈرامہ سیریل ’تقدیر‘ میں سمیع خان، علیزے شاہ مرکزی کردار نبھا رہے ہیں، دیگر کاسٹ میں جاوید شیخ، خالد انعم، صبا فیصل، عالیہ علی، عینی زیدی، عاصم محمود، آمنہ ملک، حمزہ، عادل حسین، زین افضل، مریم نور، حنا رضوی اور مریم نور شامل ہیں۔
’تقدیر‘ کی ہدایت کاری کے فرائض محسن طلعت نے انجام دیے ہیں جبکہ اس کی کہانی دوروے انٹرٹینمنٹ کی جانب سے لکھی گئی ہے۔
ڈرامے کو اے آر وائی ڈیجیٹل پر ہر پیر اور جمعرات کی رات 9 بجے نشر کیا جاتا ہے۔
