شوبز انڈسٹری کی معروف اداکارہ عالیہ علی کی مزاحیہ ویڈیو سوشل میڈیا پر وائرل ہوگئی۔
فوٹو اور ویڈیو شیئرنگ ایپ انسٹاگرام پر اداکارہ عالیہ علی نے دلچسپ ویڈیو شیئر کی جسے مداحوں کی جانب سے خوب سراہا جارہا ہے۔
عالیہ علی ویڈیو میں لپسنگ کرتے ہوئے کہتی ہیں کہ ’کہتے ہیں پیار کی شروعات لڑائی سے شروع ہوتی ہے، ابھی ابھی اس کے سر پر اینٹ مار کر آئی ہوں آتا ہی ہوگا آئی لو یو بولنے۔‘
اداکارہ نے چند گھنٹوں قبل یہ دلچسپ ویڈیو شیئر کی جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
عالیہ نے انسٹاگرام پر فالوورز کی تعداد لاکھوں میں ہے وہ اکثر اپنے نجی اور پیشہ وارانہ مصروفیات کی تصاویر مداحوں کے ساتھ شیئر کرتی رہتی ہیں جسے ان کے مداح بھی پسند کرتے ہیں۔
اداکارہ نے حال ہی میں اے آر وائی ڈیجیٹل کے ڈرامہ سیریل ’من آنگن‘ میں ’اریبہ‘ کا کردار نبھایا اور وہ عمران اسلم (ثقلین) کی اہلیہ بنی تھیں۔
اریبہ کو شوہر پر اندھا اعتماد ہوتا ہے اور وہ ان سے کبھی جھوٹ نہیں بولتیں لیکن شوہر کو انہیں ہمیشہ دھوکا دیا جاتا ہے اور وہ دوسری شادی بھی رچا لیتے ہیں۔
آخری قسط میں اریبہ حبیب نے بیٹے کو جنم دیا تو دوسری طرف شوہر ثقلین کو دھوکا دہی اور ساس (سیمی پاشا) کے قتل کے الزام میں قید ہوگئی۔
عالیہ علی اس کے علاوہ تقدیر، پیار دیوانگی ہے، نیلی زندہ ہے، بندھن، تیرے در پر، دہلیز میں بھی اداکاری کے جوہر دکھا چکی ہیں۔
