لاہور: پاکستانی ڈرامہ انڈسٹری کی اداکارہ علیزے شاہ نے سوشل میڈیا پر تنقید کرنے والے صارفین سے کھل کر ناراضی کا اظہار کردیا۔
اداکارہ نے سماجی رابطے کے فوٹو اور ویڈیو شیئرنگ پلیٹ فارم انسٹاگرام پر اپنی دو تصاویر شیئر کیں جن میں سے ایک میں وہ سہمی ہوئی نظر آرہی ہیں۔
علیزے نے سوشل میڈیا پر بے جا تنقید کرنے والے صارفین کے لیے لکھا کہ ’سوشل میڈیا نے دوسروں پر تنقید کرنے والوں کی زندگیاں آسان بنا دی ہیں‘۔
اپنے آئی ڈی پر شیئر کی جانے والی تصاویر میں اداکارہ نے مغربی لباس زیب تن کیا ہوا ہے، شاید انہیں اس بات کا اندازہ تھا کہ جب وہ ان تصاویر کو انٹرنیٹ پر شیئر کریں گی تو منفی کمنٹس کی بھرمار ہوجائے گی۔
واضح رہے کہ یہ پہلی بار نہیں ہے بلکہ اس سے قبل بھی کئی اداکارائیں سوشل میڈیا صارفین کے منفی تبصروں کے خلاف آواز اٹھا چکی ہیں۔ تمام ہی اداکاراؤں نے یہ بات واضح کی ہے کہ اُن کی نجی زندگی بھی کوئی چیز ہے اور انہیں بھی جینا کا مکمل اختیار حاصل ہے۔
View this post on Instagram
علیزے نے بھی اپنے کیپشن میں سوشل میڈیا پر ہونے والی بے جا تنقید کا ذکر کیا اور لکھا کہ ’سوشل میڈیا نے بہت سے لوگوں کو دوسروں کی بے عزتی کرنے اور زندگی پر تنقید کرنے کا اختیار دیا اور آسانی پیدا کردی ہے‘۔
