ڈرامہ انڈسٹری کی معروف اداکارہ علیزے شاہ کی نئی تصاویر سوشل میڈیا پر وائرل ہوگئیں۔
فوٹو اور ویڈیو شیئرنگ ایپ انسٹاگرام پر علیزے شاہ نے نئی تصاویر شیئر کردیں جسے ان کے مداحوں کی جانب سے پسند کیا جارہا ہے۔
اداکارہ کو تصاویر میں سیاہ ٹی شرٹ اور بلیو ٹراؤزر میں خوشگوار موڈ میں دیکھا جاسکتا ہے۔
علیزے نے چند گھنٹوں قبل یہ تصاویر شیئر کیں جسے ہزاروں کی تعداد میں مداح دیکھ چکے ہیں، اداکارہ سوشل میڈیا پر کافی متحرک رہتی ہیں اور اپنی تصاویر شیئر کرتی رہتی ہیں۔
اس سے قبل انہوں نے ڈرامہ سیریل ’تقدیر‘ کے سیٹ سے چند تصاویر شیئر کیں تھیں۔
تصاویر میں انہیں مہندی میں شرکت کے دوران پہنے گئے زرد رنگ کے لباس میں دیکھا جاسکتا ہے۔
اے آر وائی ڈیجیٹل کے ڈرامہ سیریل میں علیزے شاہ اور سمیع خان مرکزی کردار نبھا رہے ہیں جس کی دیگر کاسٹ میں زین افضل، عاصم محمود، جاوید شیخ، بہروز سبزواری، مریم نور، عالیہ علی، خالد انعم ودیگر شامل ہیں۔
یاد رہے کہ علیزے شاہ اس سے قبل اے آر وائی ڈیجیٹل کے ڈرامہ سیریل ’میرا دل میرے دشمن‘ میں مرکزی کردار نبھا چکی ہیں۔
