ابوظہبی: متحدہ عرب امارات کی سب سے بڑی ریاست ابوظہبی کے تمام پرائیویٹ اسپتالوں کو کورونا فری قرار دے دیا گیا۔
اماراتی میڈیا کے مطابق ابوظہبی میڈیا ہاؤس نے اپنے آفیشل ٹوئٹر اکاؤنٹ پر اعلان کیا ہے کہ امارت کے تمام نجی اسپتالوں میں سے کورونا کے مریض ڈسچارج ہوگئے ہیں۔
ٹوئٹ میں بتایا گیا ہے کہ برجیل میڈیکل گروپ اور این ایم ایس ہیلتھ کیئر کے ساتھ ساتھ عین الخلیج اسپتال سمیت تمام پرائیویٹ اسپتال کورونا فری ہوگئے ہیں۔
The hospitals of Burjeel Medical Group and NMC Healthcare, as well as Ain Al Khaleej Hospital are now free of COVID-19 cases. The facilities continue to provide specialised and full healthcare services to patients. pic.twitter.com/lE5ANUf4pu
— مكتب أبوظبي الإعلامي (@admediaoffice) July 10, 2020
کورونا فری ہونے کے بعد بھی امارت کے تمام نجی اسپتالوں میں خصوصی طبی سہولیات کے ساتھ ساتھ مکمل ہیلتھ کیئر سروسز دیگر مریضوں کو فراہم کی جارہی ہیں۔
شہریوں کو آگاہ کیا گیا ہے کہ جن افراد کو سانس میں دشواری یا نظام تنفس میں مشکلات درپیش ہیں وہ امارت کے مخصوص شیخ خلیفہ میڈیکل سٹی اسپتال سمیت دیگر طبی اداروں کا رخ کریں۔
قبل ازیں دبئی کے واحد فیلڈ اسپتال میں آخری کورون مریض کو ڈسچارج کر کے سینٹر کو کورونا فری قرار دیا گیا تھا۔
