اسلام آباد: وزیرمملکت برائے اطلاعات ونشریات مریم اورنگزیب کا کہناہےکہ پاکستان وزیراعظم کی قیادت میں ہرشعبے میں بےمثال ترقی کررہاہے۔
تفصیلات کےمطابق وزیرمملکت برائے اطلاعات ونشریات مریم اورنگزیب نےاسلا م آباد میں چترال پریس کلب کےنومنتخب عہدیداروں کی حلف برداری کی تقریب میں بطور مہمان خصوصی شرکت کی۔
اس موقع پر تقریب سےخطاب کرتے ہوئےمریم اورنگزیب نے کہاکہ وزیراعظم کےلیےتمام صوبے اورعلاقے یکساں اہمیت کے حامل ہیں اور ملک کے تمام حصوں کو اُن کی پالیسیوں کےثمرات ملنا شروع ہوگئے ہیں۔
وزیرمملکت مریم اورنگزیب نے چترال میں دس کلوواٹ کاریڈیو ٹرانسمیٹر نصب کرنے کی بھی منظوری دی۔ انہوں نے کہاکہ اس سے علاقے کی زبان اورثقافت کے تحفظ اورفروغ میں مدد ملے گی۔
شرجیل میمن جتنا چاہیں شور مچالیں، احتساب دینا ہوگا، مریم اورنگزیب
یاد رہےکہ گزشتہ دنوں وزیرِ مملکت برائے اطلاعات و نشریات مریم اورنگزیب نے کہا تھا کہ شرجیل میمن اپنی چوری اورکرپشن چھپانے کیلئے شورمچا رہے ہیں اورجتنا چاہیں شور مچا لیں انہیں قوم کی لوٹی ہوئی دولت کاحساب دینا ہوگا۔
واضح رہےکہ مریم اورنگزیب نے سندھ کے سابق صوبائی وزیرشرجیل میمن کی چوہدری نثار پر تنقید پر ردعنل دیتے ہوئے کہا تھاکہ وفاقی وزیرداخلہ چوہدری نثار کی دیانت اورکردار پرسوال اٹھانے والے پہلے اپنے گریبان میں جھانکیں۔
