قومی کرکٹ ٹیم کے آل راؤنڈر شاداب خان نے بھارت میں شیڈول ورلڈ کپ 2023 سے متعلق اپنے خیالات کا اظہار کیا۔
مقامی کرکٹ تجزیہ کار سے گفتگو کرتے ہوئے قومی کرکٹ ٹیم کے آل راؤنڈر شاداب خان نے میگا ایونٹ جیتنے کی اہمیت پر روشنی ڈالی ہے۔
آل راؤندر شاداب خان نے کہا کہ بھارت میں ورلڈ کپ جیتنا کیک پر آئسنگ کی طرح ہوگا، تمام ٹیمیں ٹورنامنٹ جیتنے کے لیے آئے گی ہمیں ایک مضبوط ٹیم کی طرح اس ٹورنامنٹ کا آغاز کرنا ہوگا۔
بھارت میں شائقین کی حمایت نہ ہونے کے چیلنجوں سے نمٹنے کے لیے لیگ اسپنر شاداب نے ذہنی قوت کی اہمیت پر زور دیا۔
انہوں نے کہا کہ بھارت میں ہمیں شائقین کی حمایت حاصل نہیں ہوگی، اس چیلنج سے نمٹنے کے لیے ذہنی طور پر بہت مضبوط ہونا پڑےگا، اور ہمارے کھلاڑی ذہنی طور پر مضبوط ہیں مجھے لگتا ہے کہ ہمارے پاس ایک اچھا ٹورنامنٹ ہوگا۔
شاداب خان نے مزید کہا کہ ورلڈ کپ میں کسی بھی مخصوص بلے بازوں کے لیے کوئی غیر معمولی منصوبہ بندی نہیں کی ہے بلکہ ہماری پوری ٹیم کی حکمت عملی بہترین باؤلنگ کرنا ہے۔
شاداب خان نے مزید کہا کہ ویرات کوہلی کے لیے کوئی خاص منصوبہ بندی نہیں ہے، تمام مخالف ٹیم کے خلاف ایک طرح کی منصوبہ بندی پر کھیلتے ہیں۔
