لاہور: علامہ اقبال انٹرنیشنل ایئرپورٹ پر پی آئی اے ٹاسک فورس نے کارروائی کےدوران جعلی ویزے پرکینیڈا جانے والے تین مسافروں کوگرفتارکرلیا۔
تفصیلات کےمطابق لاہور میں علامہ اقبال انٹرنیشنل ایئرپورٹ پرپی آئی اے ٹاسک فورس نےکارروائی کرتے ہوئے جعلی ویزوں پرکینیڈا جانے والے 3مسافروں کو حراست میں لےلیا۔
تینوں مسافرکامران،صالح اور عثمان پی آئی اے کی پرواز پی کے789کےذریعےلاہور سےکینیڈا جا نے کی کوشش کر رہے تھے۔
ذرائع کا کہنا ہےکہ تینوں ملزمان کوضابطے کی کارروائی کے لیے ایف آئی اے کےحوالےکردیاگیا۔
مزید پڑھیں:بینظیرانٹرنیشنل ایئرپورٹ پرمسافرسے ہیروئن برآمد
یاد رہےکہ رواں سال جنوری میں بینظیرانٹرنیشنل ایئرپورٹ پراےایس ایف کی کارروائی میں بحرین جانے والی پرواز سے مسافرمدثر کو گرفتار کرکے اس کے سامان سے ایک کلو 700گرام ہیروئن برآمد کی تھی۔
مزید پڑھیں: لاہور ایئرپورٹ پراےایس ایف کی کارروائی‘ہیروئن برآمد
واضح رہےکہ گزشتہ ماہ علامہ اقبال انٹرنیشنل ایئرپورٹ پر اے ایس ایف نے ڈھائی کروڑ روپے سے زائد مالیت کی ہیروئن اسمگل کرنے کی کوشش ناکام بناتے ہوئےملزم کوگرفتارکرلیاتھا۔
