لاہور: مینار پاکستان کے بعد علامہ اقبال کے گھرکو بھی بندکردیا گیا۔ شاعرمشرق کےگھرپر دہشت گرد تنظیموں کے حملے کاخطرہ تھا۔
خاردار تاروں میں گھرا مینارپاکستان نوگوایریا بن گیا،دہشت گردی کے خطرے کے باعث لوگوں کی اس یادگارتک رسائی ناممکن بنائی گئی۔
اب شاعرمشرق کے گھرجاوید منزل کو بھی عوام کےلئےبند کردیا گیا۔ ذرائع کےمطابق وزارت داخلہ نےجاوید منزل پرطالبان دہشت گردوں کے حملےکاخدشہ ظاہرکیاہے.
اس حوالے سےخط بھی جاری کیا گیا۔ لیکن وزارت داخلہ یا جاوید منزل انتظامیہ میڈیا پرآنےسے گریز کررہی ہے، قومی یادگارناقص سیکورٹی کے علاوہ خستہ حالی کابھی شکار ہے۔
جاوید منزل کی چھتیں اوردیواریں بوسیدہ ہوگئیں،جاوید منزل انتظامیہ کا کہنا ہے کہ خستہ حالی اورسیکورٹی کی وجہ سےجاوید منزل دوسال تک بند رہے گا۔
