انسداددہشت گردی عدالت کےجج کیساتھ موٹروے پولیس کے مبینہ ناروا سلوک پر موٹروے پولیس نے واقعےکی انکوائری رپورٹ جاری کر دی۔
رپورٹ کے مطابق واقعے میں ملوث 3 اہلکاروں کو قصوروار قرار دے کر معطل کر دیا گیا۔ تینوں ملوث اہلکاروں کے خلاف محکمانہ کارروائی شروع کردی گئی ہے۔
رپورٹ میں کہا گیا ہے کہ واقعہ موٹروے پولیس اہلکاروں کی غفلت کی وجہ سے پیش آیا پولیس اہلکاروں کے مانگنے پر فاضل جج کےڈائیور نےلائسنس دیا، فاضل جج نےغفلت برتنے پر اہلکاروں کو چالان کی ہدایت بھی کی لیکن موٹروے اہلکار چالان کرنے کے بجائےجج کی گاڑی بند کرنے پر بضد تھے۔
رپورٹ کے مطابق اےٹی سی جج کےساتھ ان کی فیملی کی خواتین اور بچے بھی موجود تھے اہلکاروں نےجج کی فیملی ممبران کو گاڑی سے اتار کر پولیس وین پرمنتقل کیا۔
عابد خان اے آروائی نیوز سے وابستہ صحافی ہیں اور عدالتوں سے متعلق رپورٹنگ میں مہارت کے حامل ہیں