اسلام آباد: بلوچستان اسمبلی کے 4 ممبران نے لاپتہ ہونے کی تردید کرتے ہوئے کہا ہے کہ ہم لاپتہ نہیں اپنی مرضی سےاسلام آباد آئے۔
تفصیلات کے مطابق بلوچستان عوامی پارٹی کے مبینہ طورپرلاپتہ ایم پی ایز سامنےآگئے اورچاروں ممبران نے وضاحتی ویڈیو بھی جاری کردی۔
ویڈیو میں بشری رند، لیلی ترین،ماہ جبین شیران اوراکبرآسکانی نے لاپتہ ہونے کی تردید کرتے ہوئے کہا ہے کہ ہم لاپتہ نہیں اپنی مرضی سے اسلام آباد آئے۔
ناراض اراکین اوراپوزیشن نے چاروں ارکان کو لاپتہ کئے جانے کا الزام لگایا تھا۔
گذشتہ روز بلوچستان اسمبلی کے ناراض اور اپوزیشن اراکین نے مطالبہ کیا تھا کہ 24 گھنٹے کے اندر اندر ان کے لوگ بازیاب کرائے جائیں۔
ناراض رکن اسد بلوچ نے پریس کانفرنس میں کہا تھا کہ جام کمال نے اسٹیپ ڈاؤن نہیں کیا تو پہیہ جام ہڑتال ہو سکتی ہے، ہمارے کسی بندے کو نقصان ہوا تو ذمہ دار جام کمال ہوں گے۔
