کمسن ملازمہ پر مالکن اور دیگر اہلخانہ کا مبینہ تشدد

پنجاب کے شہر شیخوپورہ میں کمسن گھریلو ملازمہ کو مالکن اور اہلخانہ کے دیگر افراد نے مبینہ تشدد کا نشانہ بنا دیا۔

اے آر وائی نیوز کے مطابق شیخوپورہ کے علاقے سول لائنز تھانہ سٹی اے ڈویژن کی حدود میں 8 سالہ گھریلو ملازمہ پر مالکن اور دیگر ملازمین کی جانب سے مبینہ تشدد کیا گیا۔

پولیس نے اطلاع ملنے پر بچی کو بازیاب کروالیا ہے۔

 پولیس نے بااثر شخص کو حراست میں لے کر مزید تفتیش شروع کردی ہے جبکہ بچی کے جسم پر متعدد تشدد کے نشانات پائے گئے ہیں۔

8سال کی فضا2سال سےشیخ شہزادکےگھرملازمہ تھی، ڈی پی او

ڈی پی او فیصل مختار نے کہا کہ 8 سال کی فضا دو سال سے ملزم شیخ شہزاد کے گھر ملازمہ تھی۔

انہوں نے کہا کہ بچی کے جسم کے مختلف حصوں پر زخم کے نشانات موجود ہیں پولیس نے فوری مقدمہ درج کرکے ملزم کو گرفتار کیا ہے۔

Comments