فلوریڈا : امریکہ میں ایک چونکا دینے والا خوفناک واقعہ پیش آیا ہے جسے دیکھنے والے دنگ رہ گئے، سات سالہ بچہ مگر مچھ کے منہ میں جانے سے بال بال بچ گیا۔
امریکلی ریاست فلوریڈا میں تالاب کے کنارے پیش آنے والے خوفناک واقعے کی کی ویڈیو سوشل میڈیا پر وائرل ہوگئی جس ہر ہزاروں صارفین نے اپنے خیالات کا اظہار کیا۔
بین الاقوامی میڈیا رپورٹس کے مطابق سوشل میڈیا پر ایک ویڈیو وائرل ہورہی ہے جس میں ایک شخص کو اپنے سات سالہ بیٹے کے ساتھ مچھلی کا شکار کرتے ہوئے دیکھا جاسکتا ہے۔
ویڈیو میں دکھایا گیا ہے کہ میک موہن نامی شخص اپنے بیٹے کی حوصلہ افزائی کر رہا ہے اور اسی دوران مچھلی ہُک میں پھنس جاتی ہے جس کے بعد وہ اُسے کنارے پر لانے کے لیے جدوجہد کرتے ہیں۔
جیسے ہی مچھلی تالاب کے کنارے کے قریب پہنچتی ہے تو اچانک ایک مگرمچھ پانی سے باہر آتا ہے اور کانٹے میں پھنسی مچلی کو اپنے جبڑے میں دبوچ لیتا ہے۔
یہ منظر دیکھ کر بچہ خوفزدہ ہوکر اپنی فشنگ راڈ چھوڑ کر بھاگ جاتا ہے جس کے بعد مچھلی پکڑنے والی ڈور اور راڈ بھی مگر مچھ کے ساتھ تالاب میں چلی جاتی ہے۔
