جنوبی بھارت کے سپر اسٹار اداکار اللو ارجن کی زیر تکمیل فلم ’پشپا 2‘ کے ڈیجیٹل حقوق فروخت ہو گئے۔
بھارتی میڈیا رپورٹ کے مطابق جنوبی بھارت کے سپر اسٹار اداکار اللو ارجن کی فلم ’پشپا 2‘ کے ڈیجیٹل حقوق آن لائن اسٹریمنگ پلیٹ فارم نیٹ فلکس نے حاصل کر لیے۔
بھارتی میڈیا رپورٹس کے مطابق فلم ’پشپا دی رائز‘ کی شاندار کامیابی کے بعد آن لائن اسٹریمنگ پلیٹ فارم نیٹ فلکس نے ’پشپا دی رُول‘ 275 کروڑ روپے میں خرید لی ہے۔
View this post on Instagram
بھارتی میڈیا کے مطابق یہ تیلگو فلم کے لیے اب تک کا سب سے بڑا او ٹی ٹی معاہدہ ہے، اس سے قبل ہدایت کار سُکمار نے پشپا 2 کے لیے نارتھ انڈیا ڈسٹری بیوشن رائٹس کا معاہدہ انیل تھڈانی کے ساتھ 200 کروڑ میں کیا تھا، جو اپنے آپ میں ایک ریکارڈ ہے۔
واضح رہے کہ پشپا 2 کا ٹیزر ریلیز کردیا گیا ہے، تیزر ریلیز ہونے کے ساتھ ہی یوٹیوب پر نمبر ون ٹرینڈ بن گیا جبکہ فلم کے ٹیزر کو اب تک کروڑوں لوگ دیکھ چکے ہیں۔
سال 2021 میں الو ارجن اور رشمیکا مندانہ کی فلم پشپا دا رائز ریلیز ہوئی تھی جس نے باکس آفس پر ریکارڈ کمائی کرتے ہوئے پوری دنیا سے پذیرائی حاصل کی تھی۔
پشپا کی کامیابی کے بعد فلم میکرز نے پشپا 2 دی رول کے نام سے سیکوئل بنانے کا اعلان کیا تھا اور رواں سال15 اگست میں فلم سنیما گھروں کی زینت بنے گی۔
