کراچی : 80 کے دور کا مشہور زمانہ ڈرامہ ’الفا براوو چارلی‘ جسے بھلائے نہیں بھلایا جا سکتا، اس میں بہت سے معروف کرداروں میں سے ایک کردار شہناز کا تھا، جنہوں نے ناصرف اداکاری بلکہ اپنے حسن سے بھی مداحوں کو گرویدہ کرلیا تھا لیکن اب اس اداکارہ کی نئی تصاویر دیکھ کر مداح ہکا بکا رہ گئے ۔
پاکستان کے شہرہ آفاق ڈرامہ سیریل ’’الفا براوو چارلی‘‘میں مرکزی کردار کرنے والی لڑکی شہناز خواجہ کی معصومیت پر اس وقت کئی لوگ اپنا دل ہار بیٹھے تھے لیکن شہناز کی نئی تصاویر سوشل میڈیا پر تیزی سے وائرل ہوئی ، جیسے دیکھ کر مداح حیران رہ گئے، جس میں شہناز کو پہچاننا کسی صورت آسان نہیں ہے۔
شہناز خواجہ نئی تصاویر میں بڑھتی عمر کے باوجود نوجوان دکھائی دے رہی ہیں، جس سے اندازہ لگانا مشکل نہیں ہے کہ وہ متعدد بار چہرے کی سرجری کے عمل سے گزر چکی ہیں۔
پاک فوج کے جوانوں کی زندگی پر مبنی ڈرامہ
خیال رہے کہ یہ ڈرامہ پاک فوج کے تعلقات عامہ کے ادارے آئی ایس پی آر کی پروڈکشن میں بنا تھا اور اس کی ڈائریکشن شعیب منصور نے دی تھی۔ ڈرامہ 1998 میں ٹیلی کاسٹ کیا گیا، جس نے دنیا بھر میں شہرت حاصل کی تھی۔
ڈرامہ 4 مرکزی کرداروں فراز، کاشف، گل شیر اور شہناز کے گرد گھومتا تھا۔
