The news is by your side.

نوازشریف کارکردگی سے غیر مطمئن : وزارت اعلیٰ کے لیے حمزہ شہباز کے متبادل امیدوار پر غور

لاہور : پنجاب کی وزارت اعلیٰ کے لیے حمزہ شہباز کے متبادل امیدوار پر غور کیا جارہا ہے، نظر انداز کیےجانے پر حمزہ شہباز ناراض ہیں۔

تفصیلات کے مطابق مسلم لیگ ن کی جانب سے پنجاب کی وزارت اعلیٰ کے لیے حمزہ شہباز کے متبادل امیدوار پر غور کیا جارہا ہے۔

ذرائع کا کہنا ہے کہ ن لیگ کو پیغام دیا گیا ہے کہ اگر شہباز شریف وزیراعظم ہیں تو بیٹا وزیراعلیٰ نہیں ہونا چاہیے۔

ذرائع نے بتایا ہے کہ نوازشریف بھی حمزہ شہباز کی کارکردگی سے مطمئن نہیں ہیں جبکہ نظر انداز کیےجانے پر حمزہ شہباز ناراض ہیں۔

ذرائع نے کہا ہے کہ چند لیگی رہنما اب بھی حمزہ شہبازکو ہی وزارت اعلیٰ کا امیدوار رکھنے کے حق میں ہیں۔

،لیگی رہنما کا کہنا ہے کہ اگرکسی نام پراتفاق نہ ہوسکاتوحمزہ شہبازکودوبارہ امیدوار نامزد کرسکتے ہیں تاہم لیگی امیدوار کے لیے ملک احمد، مجتبیٰ شجاع الرحمان سمیت  5 ناموں پر غور کیاجا رہا ہے، حتمی فیصلہ نواز شریف کریں گے۔

ذرائع کے مطابق پرویز الٰہی اعتماد کا ووٹ لینے میں ناکام رہے تو رن آف الیکشن پر پی ڈی ایم کا امیدوار نامزد ہوگا۔

Comments

یہ بھی پڑھیں