لندن: برطانیہ کے آسمان کے پرعجیب وغریب بادل لوگوں کی توجہ کا مرکز بن گئے، جن کے بارے میں لوگوں نے مختلف قیاس آرائیاں کررہے ہیں.
تفصیلات کے مطابق عالمی یوم موسمیات کے موقع پرمانچسٹر فلکیاتی سوسائٹی نے آسمان پرنمودارہونے والے دلفریب بادلوں کی تصاویر جاری کی. جن کے متعلق کہا جارہا ہے کہ یہ کسی نادیدہ طاقتورہستی کے ہاتھ اورپاؤں ہیں۔ ان تصاویر کو مختلف ویب سائٹس پر ٹھنڈے موسم کے ’ہیلو‘ کا عنوان دے کراپلوڈ کیا گیا۔
تصاویرمیں مناظر کی عکس بندی غروب آفتاب سے قبل کی گئی ہے جس میں ایک ہاتھ اورایک پاؤں نظر آرہا ہے، جس کے بابت مختلف قیاس آرائیاں کی جارہی ہیں، کچھ کمزورعقیدہ لوگ بادلوں کی ان اشکال کو معاذ اللہ پروردگاردوعالم کے ہاتھ و پاؤں قرار دے رہے ہیں.
دوسری جانب ماہرین فلکیات کا کہنا ہے کہ اکثر اچھے موسم میں اس قسم کے مناظر دیکھنے میں آتے ہیں، انہوں نے مزید کہا کہ یہ آنے والے ٹھنڈے موسم کی علامت ہے.
خیال رہے کہ عالمی یومِ موسمیات پر ہرسال اقوام متحدہ کے خصوصی ادارے عالمی موسمیاتی تنظیم کے زیرِاہتمام 23 مارچ کو منایا جاتا ہے، 1987 میں موسمیات کا عالمی کنونشن معرض وجود میں آیا اورپھرعالمی موسمیاتی تنظیم کا قیام عمل میں آیا۔ اسی لیے 23 مارچ موسمیات کے عالمی دن کے طورپرتمام دنیا میں منایا جاتا ہے.
اے آر وائی نیوز کی ڈیجیٹل ڈیسک کی جانب سے شائع کی گئی خبریں